O Camiño Escena Norte é un proxecto de intercambio cultural a través das artes escénicas entre Galicia, Asturias, Cantabria, Euskadi e Navarra. Queremos coñecer os entresixos dunha iniciativa que trascende territorios e datas de exhibición con axuda de convidados desde diferentes estudos da nosa rede de emisoras de RNE: Diego V. Meizoso, coordinador; Kirenia Martínez, de Kirenia Danza, que participa no programa Cruces; Nacho Ortega, director da Escola Superior de Arte Dramático de Asturias; Begoña García, membro de ACEPAE, unha das asociacións de profesionais e empresas de artes escénicas impulsoras do proxecto; José Luis González "Poxpolo", técnico de cultura de Eibar, un dos concellos implicados; e Martxel Rodríguez, membro de Led Silhouette, compañía que xirará no Itinerario Constelacións.
コメント